BIG NEWS: ರಾಜ್ಯ ಸಂಪುಟ ಪುನಾರಚನೆಗ ಹೈಕಮಾಂಡ್ ಒಪ್ಪಿಗೆ: ಯಾರು ಔಟ್? ಯಾರು ಇನ್? ಹೀಗಿದೆ ಸಂಭಾವ್ಯ ಪಟ್ಟಿ
ಈ ಸರ್ಜರಿಯಿಂದ ಯಾರು ಅಧಿಕಾರ ಕಳೆದುಕೊಳ್ಳಲಿದ್ದಾರೆ, ಯಾರು ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ ಎಂಬ ಕುತೂಹಲಕಾರಿ ಚರ್ಚೆಗಳು ರಾಜಕೀಯ ಪಡಸಾಲೆಯಲ್ಲಿ ಜೋರಾಗಿವೆ.
ಪುನಾರಚನೆ ಹಿಂದಿನ ಉದ್ದೇಶವೇನು?
ಹಾಲಿ ಸಚಿವ ಸಂಪುಟದ ಹಲವು ಸಚಿವರ ಕಾರ್ಯವೈಖರಿಯ ಬಗ್ಗೆ ಹೈಕಮಾಂಡ್ಗೆ ಅಸಮಾಧಾನವಿದೆ ಎನ್ನಲಾಗಿದೆ. ಜೊತೆಗೆ, ಹಲವು ಹಿರಿಯ ಹಾಗೂ ಪ್ರಬಲ ಶಾಸಕರು ಸಚಿವ ಸ್ಥಾನದ ಆಕಾಂಕ್ಷಿಗಳಾಗಿದ್ದು, ಅವರ ಅಸಮಾಧಾನವನ್ನು ಶಮನಗೊಳಿಸುವುದು ಕೂಡ ಈ ಪುನಾರಚನೆಯ ಪ್ರಮುಖ ಉದ್ದೇಶವಾಗಿದೆ. ಪ್ರಾದೇಶಿಕ ಮತ್ತು ಜಾತಿ ಸಮೀಕರಣಗಳನ್ನು ಸರಿದೂಗಿಸಿ, ಪಕ್ಷದ ಸಂಘಟನೆಯನ್ನು ಬಲಪಡಿಸುವುದು ಹಾಗೂ ಮುಂಬರುವ ಚುನಾವಣೆಗಳಿಗೆ ಪಕ್ಷವನ್ನು ಸಜ್ಜುಗೊಳಿಸುವುದು ಇದರ ಹಿಂದಿನ ಪ್ರಮುಖ ರಾಜಕೀಯ ಲೆಕ್ಕಾಚಾರವಾಗಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಈಗಾಗಲೇ ಎರಡು ಹಂತದ ಸಂಭಾವ್ಯ ಪಟ್ಟಿಯನ್ನು ಸಿದ್ಧಪಡಿಸಿಕೊಂಡು ದೆಹಲಿಗೆ ತಲುಪಿಸಿದ್ದಾರೆ ಎಂದು ಕಾಂಗ್ರೆಸ್ ಉನ್ನತ ಮೂಲಗಳು ತಿಳಿಸಿವೆ.
ಸಂಪುಟದಿಂದ ಹೊರಹೋಗುವ ಸಂಭಾವ್ಯ ಸಚಿವರು
ಮೂಲಗಳ ಪ್ರಕಾರ, ಹಾಲಿ ಸಂಪುಟದಲ್ಲಿರುವ ಹಿರಿಯ ಹಾಗೂ ಅನುಭವಿ ಸಚಿವರನ್ನೇ ಕೈಬಿಡಲು ಹೈಕಮಾಂಡ್ ಚಿಂತನೆ ನಡೆಸಿದೆ ಎನ್ನಲಾಗುತ್ತಿದೆ. ಕಾರ್ಯಕ್ಷಮತೆ, ಹಿರಿತನ ಮತ್ತು ಸಮುದಾಯದ ಪ್ರಾತಿನಿಧ್ಯದಂತಹ ಮಾನದಂಡಗಳ ಅಡಿಯಲ್ಲಿ ಈ ಕೆಳಗಿನ ಸಚಿವರನ್ನು ಕೈಬಿಡುವ ಸಾಧ್ಯತೆ ಇದೆ.
1. ಕೆ.ಹೆಚ್.ಮುನಿಯಪ್ಪ - ಆಹಾರ ಮತ್ತು ನಾಗರೀಕ ಸರಬರಾಜು
2. ದಿನೇಶ್ ಗುಂಡೂರಾವ್ - ಆರೋಗ್ಯ ಸಚಿವ
3. ಹೆಚ್.ಸಿ.ಮಹದೇವಪ್ಪ - ಸಮಾಜ ಕಲ್ಯಾಣ
4. ಶರಣಬಸಪ್ಪ ದರ್ಶನಾಪುರ್ - ಸಣ್ಣ ಕೈಗಾರಿಕೆ
5. ಎನ್.ಎಸ್.ಬೋಸರಾಜು - ಸಣ್ಣ ನೀರಾವರಿ, ವಿಜ್ಞಾನ ತಂತ್ರಜ್ಞಾನ (ವಿಧಾನ ಪರಿಷತ್ ಸದಸ್ಯ)
6. ಡಾ.ಎಂ.ಸಿ.ಸುಧಾಕರ್ - ಉನ್ನತ ಶಿಕ್ಷಣ
7. ಶಿವಾನಂದ ಪಾಟೀಲ್ - ಸಕ್ಕರೆ ಮತ್ತು ಜವಳಿ
8. ರಹೀಂಖಾನ್ - ಪೌರಾಡಳಿತ
9. ಎಸ್.ಎಸ್.ಮಲ್ಲಿಕಾರ್ಜುನ - ತೋಟಗಾರಿಕೆ ಮತ್ತು ಗಣಿ
10. ಆರ್.ಬಿ.ತಿಮ್ಮಾಪುರ್ - ಅಬಕಾರಿ
11. ಕೆ.ವೆಂಕಟೇಶ್ - ಪಶು ಸಂಗೋಪನೆ
12. ಡಿ.ಸುಧಾಕರ್ - ಯೋಜನೆ ಮತ್ತು ಸಾಂಖ್ಯಿಕ
ಸಂಪುಟ ಸೇರುವ ಸಂಭಾವ್ಯ ಶಾಸಕರು
ಅಸಮಾಧಾನಿತರನ್ನು ಸಮಾಧಾನಪಡಿಸಲು ಮತ್ತು ಹೊಸಬರಿಗೆ ಅವಕಾಶ ನೀಡುವ ನಿಟ್ಟಿನಲ್ಲಿ ಹಲವು ಶಾಸಕರ ಹೆಸರುಗಳು ಸಚಿವ ಸ್ಥಾನಕ್ಕೆ ಪ್ರಬಲವಾಗಿ ಕೇಳಿಬರುತ್ತಿವೆ. ಹಿರಿತನ, ಯುವಕರ ಪ್ರಾತಿನಿಧ್ಯ ಮತ್ತು ಪ್ರಾದೇಶಿಕ ಸಮತೋಲನವನ್ನು ಗಮನದಲ್ಲಿಟ್ಟುಕೊಂಡು ಈ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ ಎನ್ನಲಾಗಿದೆ.
1. ಯು.ಟಿ.ಖಾದರ್ - ಹಾಲಿ ವಿಧಾನಸಭೆ ಸ್ಪೀಕರ್ (ಸ್ಪೀಕರ್ ಸ್ಥಾನಕ್ಕೆ ರಾಜೀನಾಮೆ ನೀಡಿ ಸಂಪುಟ ಸೇರುವ ಸಾಧ್ಯತೆ)
2. ಕೆ.ಎನ್.ರಾಜಣ್ಣ - ಮಧುಗಿರಿ ಶಾಸಕ, ಸಹಕಾರ ಬ್ಯಾಂಕ್ ಅಧ್ಯಕ್ಷ
3. ಆರ್.ವಿ.ದೇಶಪಾಂಡೆ - ಹಳಿಯಾಳ ಶಾಸಕ, ಹಿರಿಯ ನಾಯಕ
4. ಬಿ.ಕೆ.ಹರಿಪ್ರಸಾದ್ - ವಿಧಾನ ಪರಿಷತ್ ಸದಸ್ಯ, ಬಹಿರಂಗ ಅಸಮಾಧಾನಿತ ನಾಯಕ
5. ಎಂ.ಕೃಷ್ಣಪ್ಪ - ವಿಜಯನಗರ ಶಾಸಕ
6. ತನ್ವೀರ್ಸೇಠ್ - ನರಸಿಂಹರಾಜ ಶಾಸಕ, ಅಲ್ಪಸಂಖ್ಯಾತ ಸಮುದಾಯದ ಪ್ರಬಲ ನಾಯಕ
7. ಸಲೀಂ ಅಹಮದ್ - ವಿಧಾನ ಪರಿಷತ್ ಸದಸ್ಯ, ಕೆಪಿಸಿಸಿ ಕಾರ್ಯಾಧ್ಯಕ್ಷ
8. ರಿಜ್ವಾನ್ ಅರ್ಷದ್ - ಶಿವಾಜಿನಗರ ಶಾಸಕ, ಯುವ ನಾಯಕ
9. ಮಾಗಡಿ ಬಾಲಕೃಷ್ಣ - ಮಾಗಡಿ ಶಾಸಕ
10. ಎನ್.ಎ.ಹ್ಯಾರಿಸ್ - ಶಾಂತಿನಗರ ಶಾಸಕ
11. ರೂಪಕಲಾ ಶಶಿಧರ್ - ಕೆಜಿಎಫ್ ಶಾಸಕಿ, ಮಹಿಳಾ ಕೋಟಾದ ಪ್ರಬಲ ಆಕಾಂಕ್ಷಿ
12. ಗೋಪಾಲಕೃಷ್ಣ ಬೇಳೂರು - ಸಾಗರ ಶಾಸಕ
ಮುಂದೇನು?
ಸದ್ಯಕ್ಕೆ ಇದು ಸಂಭಾವ್ಯ ಪಟ್ಟಿಯಾಗಿದ್ದು, ಅಂತಿಮ ಪಟ್ಟಿಯನ್ನು ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ರಾಹುಲ್ ಗಾಂಧಿ ಹಾಗೂ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ. ಶಿವಕುಮಾರ್ ಅವರು ಅಂತಿಮಗೊಳಿಸಲಿದ್ದಾರೆ. ಒಂದು ವೇಳೆ ಈ ಪುನಾರಚನೆ ನಡೆದರೆ, ಸಚಿವ ಸ್ಥಾನ ಕಳೆದುಕೊಳ್ಳುವ ಹಿರಿಯರ ನಡೆ ಮತ್ತು ಹೊಸದಾಗಿ ಸಚಿವರಾಗುವವರ ಆಯ್ಕೆ ರಾಜ್ಯ ರಾಜಕಾರಣದಲ್ಲಿ ಮಹತ್ವದ ಪರಿಣಾಮಗಳನ್ನು ಬೀರಲಿದೆ. ಮುಂದಿನ ಕೆಲವೇ ದಿನಗಳಲ್ಲಿ ಈ ರಾಜಕೀಯ ಸರ್ಕಸ್ನ ಅಂತಿಮ ಚಿತ್ರಣ ಸ್ಪಷ್ಟವಾಗಲಿದೆ.
